كيف تجذب الأعضاء لمشاركاتك ومواضيعك

بسم الله الرحمن الرحيم ،اللهم صلي وسلم على محمد وآل محمد ، السلام عليكم ورحمة الله وبركاته
طبعا الموضووع باين مـن عنواانه ..
شلوون انخلي الأعضاء يقرون موضووعنااا ويردون عليه ؟
وشلوون انخلي المشرف يثبت الموضووع ؟
خلني بكتب لكم نقااط .. وان شاء الله تستفيدوون مـنهاا..
1- [ عنــوان الموضوع ] ..
طبعــا اهم شي في كل الموضووع..
عنوان الموضووع.. ليش .. لأن مثلا ما حطيت عنوان للموضووع..
ما بتشد العضوو انه يقرا موضووعك .. !!.. خل في الموضوووع.. اكشن ..
2- ..[ طريقه عرض الموضوووع ]..
لازم يكون الموضووع مرتب ومتواازن .. ويطرح فكره مهمه .. وطريقتك في الكتاابه
اتكون سهله
وتوصل المعلومه بشكل مباشر للقارئ. . وتحااول تكتب إلي عندك .
3- ..[ ترتيب افكار الموضووع ] ..
قبل لا تبتدي الكتاابه .. حطلك ورقه وقلم ..
او افتح ملف ووورد او TXT واكتب لك نقااط .. ان شنو بالضبط بتكتب في الموضووع.
وشنو الشي إلي بتكتب عنه ..
4- ..[ اتباع الموضووع اول بأول ] ..
مو تكتب موضووع.. وتطنش له ..والأعضاء يردون .. وانت ولا تفتكر في الموضووع..
ومخليه ينزل وينزل..
عيل لا تتوقع يتثبت.. !!..
5..[ طريقه ردودك على الأعضاء في الموضووع ] ..
طبعاا واايد اعضاء ردودهم .. :][ يعطيك العاافيه .. ومشكوور على الموضووع.. ][:
انا بصراااحه .. بدون مجاامله ما حب هالصنف.. إلي ما يهتم ..
لو واحد رد عليك رد محترم .. رد عليك بالمثل .. واحسن مـنه .. وناقشه في نقاطه إلي
كتبهم ..
مو اتقوله مشكور على المرور.. وتخليه .. !!..
اكبر غلطه واايد يسوونهاا..
جرب رد ردود كشخه .. وتخلي العضو إلي رد عليك يرد على كل مواضيعك إلي انت
حطيتهم او كتبتهم ..
6 .. [ الأسلـــوب ]..
مثلا وااحد انتقد الموضووع إلي انت كااتبه ..
لا ترد عليه بنفس الشي..
بعصبيه . مثلا اتقووله ما داام ما عجبك الموضووع ليش راد .. !!.. ومثل هالسوالف . ..
لا كلمه بطريقه مهذبه ..وخلك هاادي.. .. .. اهو بيتفشل اصلا.. ويمكن يرد يعتذر لك ..
ردوا على موضووعي وناقشوني في النقاط ..
][ اعضاء مابي ردود مشكور على الموضووع. ويعطيك العافيه ..وتطلعوون .. ][
وان شاء الله الموضوع عجبكم
ربي لا يحرمنا منكم يا الغالين الى الامام لنرتقي بمنتدانا الغالي
ومعليش اذا كان جاء مني اي غلط فديت قلوبكم وانا شاء الله نتعلم^_^